Adnoddau Iechyd yr Ymennydd

Mae ein hymennydd yn wych.

Mae ein hymennydd yn ein helpu gyda llawer o bethau pwysig:

Mae'n storio ein hatgofion
Mae'n creu ein meddyliau a'n dychymyg
Mae'n ein helpu i deimlo emosiwn, fel hapusrwydd neu dristwch
Mae'n ein helpu i ddeall yr hyn a welwn, a glywn, a aroglwn, a flaswn ac a gyffwrddwn
Mae'n helpu ein corff i weithio, drwy reoli pethau fel anadlu a symud

Mae cadw ein hymennydd yn iach yn bwysig. Mae'n ein helpu i deimlo'n dda nawr, ac wrth i ni fynd yn hŷn.

Cynhyrchwyd yr adnoddau hygyrch hyn gyda phobl ag anabledd dysgu, ar gyfer pobl ag anabledd dysgu. Maen nhw'n dysgu ffyrdd syml i chi o ofalu am eich ymennydd.

Mae'r adnoddau'n canolbwyntio ar bum ffordd o helpu i wella iechyd yr ymennydd:

Aros mewn cyswllt ag eraill
Cysgu'n Dda
Bwyta’n iach
Symud Mwy
Rhoi Cynnig ar Rywbeth Newydd

Gallwch chi ddysgu am y pum maes hyn drwy wylio'r fideos neu ddarllen y canllaw hawdd ei ddeall.

Yna gallwch chi lunio eich Cynllun Iechyd yr Ymennydd eich hun, gyda nodau ym mhob un o'r pum maes.

Gallwch fynd â'ch cynllun iechyd yr ymennydd i'ch Archwiliad Iechyd Blynyddol gyda'ch Meddyg Teulu.