Neidio i'r prif gynnwy

Gwobrau GIG Cymru

Croeso i dudalen Gwobrau GIG Cymru

Mae Gwobrau GIG Cymru yn dathlu rhagoriaeth wrth ysgogi gwelliannau a thrawsnewid gwasanaethau.

Gweld y cynigion sydd wedi cyrraedd rownd derfynol Gwobrau GIG Cymru 2026 a phleidleisio dros y prosiectau sydd wedi cael yr effaith fwyaf.

Yn dilyn cael y nifer uchaf erioed o gynigion , mae 39 o brosiectau rhagorol wedi cyrraedd y rownd derfynol.

Mae'r timau hyn yn cynrychioli'r gwaith o safon uchel sy'n cael ei wneud ar draws GIG Cymru, sy’n arwain at gyflawni gwelliannau ystyrlon o ran ansawdd, diogelwch a pherfformiad ac sy'n trawsnewid gwasanaethau, profiadau a chanlyniadau i bobl ledled Cymru.

Cyfle i ddweud eich dweud a phleidleisio dros yr enillwyr

Eleni, mae'r Gwobrau'n fwy cydweithredol nag erioed.

Gwahoddir cydweithwyr o bob rhan o GIG Cymru i helpu i ddewis yr enillwyr drwy bleidleisio dros y prosiectau y maent yn credu sydd wedi cael yr effaith fwyaf ym mhob categori.

Sut i gymryd rhan:

  1. Cofrestrwch i gael cyfrif ar blatfform Gwobrau GIG Cymru trwy ddefnyddio'ch cyfeiriad e-bost GIG Cymru. Os ydych chi eisoes wedi cofrestru, mewngofnodwch i’ch cyfrif.

  2. Porwch drwy gategorïau’r gwobrau ac edrychwch ar bosteri'r prosiectau sydd wedi cyrraedd y rhestr fer.

  3. Pleidleisiwch dros y prosiect sydd wedi cael yr effaith fwyaf yn eich barn chi a rhannwch sylw byr yn egluro eich dewis.

  4. Parhewch i archwilio’r categorïau eraill neu dewch yn ôl yn ddiweddarach i ddiweddaru eich pleidleisiau tra bo’r cyfnod pleidleisio ar agor.

 Opsiynau pleidleisio:
  • Gallwch bleidleisio ym mhob categori neu ddim ond yn y categorïau sydd o ddiddordeb arbennig i chi. 
  • Gallwch ddychwelyd i'r platfform a diweddaru eich pleidleisiau unrhyw bryd tra bo’r cyfnod pleidleisio ar agor.  
  • Er bod angen cofrestru i bleidleisio, mae pob pleidlais yn ddienw ac ni fydd yn cael ei chyhoeddi. 
  • Nid oes angen i chi bleidleisio ym mhob categori er mwyn i'ch pleidlais gyfrif. 

Bydd y pleidleisiau’n cael eu cyd-gasglu ac enwau’r enillwyr yn cael eu cyhoeddi yn seremoni Gwobrau GIG Cymru ac ar-lein ddydd Iau 12 Tachwedd.

Bydd enillydd y Wobr Cyfraniad Eithriadol i Wella Gofal Iechyd yn cael ei ddewis o blith enillwyr y 13 categori.