NewyddionExec

Rydym yn awyddus i glywed gan bobl yng Nghymru am eu hymwybyddiaeth a'u profiadau o therapïau seicolegol digidol.

Bydd Rhwydwaith Ymchwil a Thystiolaeth Iechyd Meddwl Cymru yn dwyn ynghyd gweithwyr proffesiynol o amrywiaeth o arbenigeddau iechyd meddwl, yn ogystal â phobl â phrofiad bywyd, i greu cymuned a all ymateb yn gyflymach i'r heriau uniongyrchol y mae GIG Cymru yn eu hwynebu, trwy gynhyrchu gwybodaeth a all ddylanwadu'n fwy effeithiol ar ymarfer. Ar ben hynny, bydd yn helpu i greu dealltwriaeth gyffredin o flaenoriaethau ymchwil ychwanegol i Gymru, o safbwynt yr holl randdeiliaid, ac fe fydd yn ysbrydoli gweithredu ar y cyd ynghylch sut y gellir mynd i'r afael â'r rhain.

Ym mis Rhagfyr 2022, cytunodd pob prif gwnstabl yng Nghymru a Lloegr i weithredu'r dull Gofal Cywir, y Person Cywir (RCRP). Y nod yw sicrhau bod unigolion ag anghenion iechyd neu ofal cymdeithasol yn derbyn cymorth gan weithwyr proffesiynol sydd wedi'u hyfforddi'n briodol yn hytrach na swyddogion heddlu, ac eithrio lle mae gan yr heddlu rôl ddiogelu statudol lle nodir risg uniongyrchol.

Mae meddygon teulu yng Nghymru yn cael eu hyfforddi i adnabod endometriosis yn gynharach fel rhan o'r gwaith parhaus i gyflawni'r camau gweithredu a nodir yng Nghynllun Iechyd Menywod Cymru.

Ar 1 Mehefin 2025, newidiodd Gweithrediaeth GIG Cymru ei enw i Perfformiad a Gwella GIG Cymru.

Mae gofal rhithwir a alluogir gan dechnoleg yn golygu bod gan gleifion ddewis bellach o ran sut y bydd eu gofal yn cael ei ddarparu.

Mae Rhaglen Atal Hunanladdiad a Hunan-niweidio GIG Cymru wedi partneru â Bwrdd Hyfforddi'r Diwydiant Adeiladu (CITB) i gyflwyno ymgyrch ar draws safleoedd adeiladu yng Nghymru sy'n codi ymwybyddiaeth o hunanladdiad ac sy’n cyfeirio pobl at y gefnogaeth sydd ar gael iddynt. Y gobaith yw y bydd yr ymgyrch yn annog pobl i siarad am hunanladdiad ac iechyd meddwl, a lleihau stigma ac annog ceisio cymorth.

Mae Bwrdd y Rhaglen Strategol ar gyfer Iechyd Meddwl yn darparu mecanwaith cydweithredol cryf ar gyfer cyfeirio a chyflawni amcanion yn unol â blaenoriaethau cenedlaethol a rennir. Mae Perfformiad a Gwelliant GIG Cymru (a elwid gynt yn Weithrediaeth GIG Cymru), Llywodraeth Cymru, byrddau iechyd, awdurdodau iechyd arbennig, y Trydydd Sector a rhanddeiliaid allweddol eraill yn y sector iechyd meddwl wedi'u cynrychioli ar y fforwm. Mae’r diweddariad hwn yn crynhoi’r gweithgarwch allweddol a drafodwyd yng Nghyfarfod Bwrdd y Rhaglen ym mis Mai 2025. 

Mae arweinwyr ar draws disgyblaethau digidol ac iechyd meddwl wedi cyfarfod fel rhan o ymrwymiad ar y cyd i drawsnewid gwasanaethau iechyd meddwl yng Nghymru yn ddigidol. Archwiliodd y Ford Gron y Gwasanaeth Iechyd Meddwl Digidol botensial technolegau digidol wrth wella profiad a chanlyniadau i ddefnyddwyr gwasanaethau a staff. Mae gan dechnolegau digidol botensial helaeth o ran mynd i'r afael â heriau sy'n ymwneud â mynediad at gymorth iechyd meddwl, y gweithlu a defnyddio data. Daeth y digwyddiad, a drefnwyd gan Weithrediaeth GIG Cymru, Iechyd a Gofal Digidol Cymru a’r eMental Health International Collaborative, â rhanddeiliaid ynghyd yn cynrychioli profiad bywyd, iechyd a gofal cymdeithasol, technolegau digidol, Llywodraeth Cymru, diwydiant a'r Trydydd Sector i archwilio cyfleoedd cenedlaethol a rhyngwladol ar gyfer cydweithio.

Mae safbwyntiau cleifion, a phrofiadau a myfyrdodau clinigwyr sy’n darparu eu gofal, wedi’u defnyddio i nodi cryfderau a meysydd sydd angen eu gwella, wrth ddarparu gofal lwpws yng Nghymru. 

Mae arweinwyr iechyd meddwl sy’n cynrychioli nifer o sectorau wedi cymryd rhan yng Nghyfnewidfa Arweinyddiaeth Iechyd Meddwl Cymru. Mae hyn wedi sefydlu mwy o gysylltedd ymhlith partneriaid a llywio dyfodol cymorth iechyd meddwl yng Nghymru. Fel rhan o Gyfnewidfa Arweinyddiaeth Iechyd Meddwl Cymru mae arweinwyr mewn amrywiol rolau, ac ar draws rhwydwaith amrywiol o randdeiliaid wedi cymryd rhan mewn cyfres o gyfleoedd cyfnewid gwybodaeth a ddaeth i ben gyda chynhadledd yn Aberystwyth.

Mae Bwrdd Rhaglen y Rhaglen Strategol ar gyfer Iechyd Meddwl yn darparu mecanwaith cydweithredol cryf ar gyfer cyfeirio a chyflawni amcanion yn unol â blaenoriaethau cenedlaethol a rennir. Mae Gweithrediaeth GIG Cymru (y Weithrediaeth), Llywodraeth Cymru, byrddau iechyd, awdurdodau iechyd arbennig, y trydydd sector a rhanddeiliaid allweddol eraill yn y sector iechyd meddwl yn cael eu cynrychioli ar y fforwm. Mae’r diweddariad hwn yn crynhoi’r gweithgarwch allweddol a drafodwyd yng Nghyfarfod y Bwrdd rhaglen ym mis Mawrth 2025.

Mae’r setiau data mwyaf o fesurau canlyniadau a phrofiad a adroddwyd gan gleifion (PROMs a PREMs) y mae Cymru erioed wedi’u gweld ar gael nawr.

Ymgasglodd tua 300 o bobl - yn cynrychioli sectorau gan gynnwys gofal iechyd, y llywodraeth, addysg, gwasanaethau brys, a'r Trydydd Sector - yng Nghaerdydd ar gyfer y Gynhadledd Atal Hunanladdiad a Hunan-niweidio yr wythnos diwethaf. Daeth llawer o'r bobl a oedd yn bresennol hefyd â'u profiad bywyd eu hunain. Roedd y digwyddiad, a drefnwyd gan Weithrediaeth GIG Cymru, yn enghraifft wych o’r cynnydd sy’n cael ei wneud drwy waith amlasiantaethol a chydweithio yng Nghymru – gweithio tuag at weledigaeth a rennir i fynd i’r afael â stigma, lleihau marwolaethau drwy hunanladdiad, rhoi gwell cymorth i bobl sy’n hunan-niweidio, a chefnogi pobl sydd wedi cael profedigaeth oherwydd hunanladdiad.

Mae Gweithrediaeth GIG Cymru yn cynnig cyfle unigryw i arddangos arfer sy’n seiliedig ar dystiolaeth ynghylch gwelliannau sy’n canolbwyntio ar yr unigolyn ac a arweinir gan anghenion ym maes iechyd meddwl yng Nghymru. Mae cyflwyno poster yn gyfle i amlygu’n genedlaethol y gwaith gwella y mae eich tîm wedi’i wneud sy’n cael effaith gadarnhaol ar brofiad a chanlyniadau cleifion.

Fel rhan o’r Rhaglen Strategol ar gyfer Iechyd Meddwl yng Ngweithrediaeth GIG Cymru, mae'r Rhwydwaith Anhwylderau Bwyta wedi ymrwymo i ysgogi gwelliannau yn ansawdd a diogelwch gofal i bobl ag anhwylderau bwyta yng Nghymru. Drwy gydweithio ag ystod amrywiol o randdeiliaid gan gynnwys GIG Cymru, y Trydydd Sector a phobl â phrofiad bywyd, blaenoriaeth y Rhwydwaith yw sicrhau bod pobl ag anhwylderau bwyta tybiedig yng Nghymru yn gallu cael cymorth prydlon.

Bydd rhanddeiliaid o bob rhan o Gymru yn ymgynnull yng Nghaerdydd ar gyfer Cynhadledd Genedlaethol ar Atal Hunanladdiad a Hunan-niweidio ddydd Iau 6 Mawrth 2025. Bydd y digwyddiad yn tynnu sylw at y dull strategol cenedlaethol o atal hunanladdiad a hunan-niweidio, yn arddangos arferion gorau o bob rhan o Gymru, ac yn creu gofod i atgyfnerthu ymgysylltiad rhwng partneriaid.