Gwasanaethau Mamolaeth a Newyddenedigol

Sefydlwyd Rhwydwaith Mamolaeth a Newyddenedigol Cymru yn 2019, drwy uno'r ddwy rwydwaith ar wahân, Rhwydwaith Mamolaeth Cymru a Rhwydwaith Newyddenedigol Cymru.

Ffocws y Rhwydwaith yw dod â rhanddeiliaid ledled Cymru at ei gilydd i gefnogi ei gilydd i wella diogelwch ac ansawdd cyffredinol gwasanaethau mamolaeth a newyddenedigol a phrofiadau teuluoedd yng Nghymru.

Wrth wraidd y rhwydwaith mae'r nod o wella canlyniadau a phrofiad i bob mam, baban a'u teuluoedd gan wybod bod rhoi'r dechrau gorau mewn bywyd i bob plentyn yn hanfodol i leihau problemau iechyd.

Dyma rai o'r cyfrifoldebau allweddol:

• Cydgysylltu'r gwaith o ddatblygu gwasanaethau mamolaeth a newyddenedigol cynaliadwy i sicrhau bod mamau a babanod Cymru yn cael gofal priodol gan staff medrus, hyfforddedig
• Datblygu a gweithredu llwybrau cyson ar gyfer gofal mamolaeth a gofal newyddenedigol ledled Cymru
• Sicrhau bod mewnbwn rhieni a theuluoedd yn cael ei werthfawrogi a'i ystyried ym mhob agwedd ar waith y Rhwydwaith
• Sicrhau y darperir gwasanaeth o ansawdd uchel i famau a babanod yng Nghymru drwy oruchwylio archwiliad priodol o arferion clinigol a datblygu cyfleoedd dysgu ar y cyd a rhannu arferion da.