Rhaglen Endosgopi Genedlaethol

Beth yw Endosgopi?

Mae endosgopi yn driniaeth lle edrychir ar organau y tu mewn i'ch corff gan ddefnyddio offeryn a elwir yn endosgop. Mae endosgop yn diwb hir, tenau, hyblyg sydd â golau a chamera ar un pen. Mae delweddau o du mewn eich corff yn cael eu dangos ar sgrin. Gellir rhoi endosgopau yn y corff trwy'r geg ac i lawr y gwddf, neu drwy'r gwaelod.

Mae gwasanaethau endosgopi yn chwarae rhan hanfodol wrth ymchwilio i achosion o amheuaeth o ganser a chanlyniadau sgrinio coluddion cadarnhaol, yn ogystal â darparu apwyntiad dilynol i bobl â diagnosis blaenorol a darparu triniaeth ymyriadol. Mae endosgopi yn darparu rôl yr un mor bwysig ar gyfer cyflyrau difrifol nad ydynt yn ganseraidd, fel clefyd llidiol y coluddyn.

Rhaglen Endosgopi Cenedlaethol

Sefydlwyd y Rhaglen Endosgopi Genedlaethol yn 2018. Mae'n rhan o Raglen Ddiagnosteg Genedlaethol Perfformiad a Gwelliant GIG Cymru, ac yn gweithio ar y cyd ochr yn ochr â'r Rhaglen Delweddu Genedlaethol, y Rhaglen Patholeg Genedlaethol a Phartneriaeth Genomeg Cymru.

Mae gan y Rhaglen ddwy swyddogaeth graidd: 

• Cefnogi gwasanaethau endosgopi'r GIG ledled Cymru i ddarparu gwasanaethau gwell i'r cyhoedd, sy’n galluogi rhagoriaeth glinigol, arloesedd a gwella perfformiad
• Cefnogi Llywodraeth Cymru i gael gwybodaeth ac asesiad o wasanaethau. 

Diffinnir gwaith y Rhaglen Endosgopi Genedlaethol gan Strategaeth Adfer a Thrawsnewid DiagnostegLlywodraethCymru (2023-2025), a'r Cynllun Gweithredu a Chyflenwi Diagnosteg Cenedlaethol cyfatebol, sydd:

Yn cefnogi datblygiad gwasanaethau endosgopi sy'n canolbwyntio ar y claf o ansawdd uchel, sy'n ddiogel, yn amserol, yn effeithiol ac yn gynaliadwy ar draws GIG Cymru i gefnogi'r ddarpariaeth o arferion gorau a pherfformiad, a gofal i bobl a chenedlaethau'r dyfodol.

Mae'r Rhaglen yn darparu cefnogaeth gydlynol i fyrddau iechyd, sy’n cynnwys: 

• Data a modelu safonol, ymatebol ac wedi syntheseiddio gan gynnwys cynllunio galw a chapasiti
• Arloesedd llwybrau clinigol cenedlaethol, a gallu ymchwil gyda safoni a digideiddio sy'n seiliedig ar dystiolaeth
• Asesu a datblygu yr ystad ffisegol, y seilwaith TG, y cyfleusterau a'r gweithlu
• Cymorth i unedau i gyflawni achrediad JAG, a marcwyr ansawdd a diogelwch, recriwtio, diwygio a chadw gweithlu
• Darparu llais arweinyddiaeth glinigol aml-broffesiynol cryf i gyfeirio datblygiadau endosgopi. 

Cysylltwch â ni

Gellir cysylltu â ni drwy e-bost yn National.EndoscopyProgramme@wales.nhs.uk