Nod cynnwys y dudalen hon yw darparu gwybodaeth ac arweiniad ar SACT i weithwyr gofal iechyd proffesiynol. Mae gwybodaeth i gleifion ar gael YMA.
Grŵp Clinigol Therapïau Gwrth-ganser Systemig (SACT)
Arweinydd Nyrs SACT: Dr Rosie Roberts (Ymddiriedolaeth GIG Felindre)
Mae Grŵp SACT Cymru Gyfan yn cwrdd tair gwaith y flwyddyn a’i nod yw darparu arweiniad strategol ar gyfer blaenoriaethau SACT cenedlaethol, gan alluogi dull cydgysylltiedig ar gyfer datblygiadau megis e-ragnodi, setiau data SACT, a chydlynu a monitro sganio’r gorwel ar gyfer cyffuriau canser, gan sicrhau hygyrchedd "unwaith i Gymru". Mae’r grŵp hefyd yn cadarnhau canllawiau SACT Cymru Gyfan ac yn hwyluso cynrychiolaeth ar grwpiau DU gyfan fel:
I gael rhagor o wybodaeth am Grŵp SACT Cymru Gyfan, cysylltwch â WCN.WalesCancerNetwork@wales.nhs.uk
Rhestr Ddosbarthu Grŵp SACT
Dilynwch y ddolen isod i'r Ffurflen Rhestr Ddosbarthu. Dylai gymryd llai na munud i chi ei chwblhau. Drwy lenwi'r ffurflen hon byddwch yn cael eich rhoi ar gyfeiriadur staff SACT Rhwydwaith Canser Cymru, a byddwn yn cysylltu â chi fel arfer drwy e-bost ar bynciau a allai fod o ddiddordeb i chi. Bydd eich gwybodaeth yn cael ei chadw’n ddiogel gan Rwydwaith Canser Cymru ac ni fydd yn cael ei rhannu na’i dosbarthu. Bydd yr wybodaeth a gedwir yn cael ei defnyddio gan staff Rhwydwaith Canser Cymru yn unig.
Cliciwch yma am y Rhestr Ddosbarthu
Sefydlwyd yr Is-Grŵp Gwrth-gyrff Deubenodol gan y Rhwydwaith Canser fel is-grŵp o’r Grŵp Therapi Systemig Gwrth-Ganser (SACT). Diben y grŵp yw i ddarparu fforwm ar gyfer rhannu arfer gorau a datblygu offer a chanllawiau i gefnogi gwasanaethau lleol i reoli’r broses o gyflwyno’r meddyginiaethau newydd hyn yn ddiogel i’w harferion clinigol. Bydd y grŵp hefyd yn darparu cyngor a chyfeiriad strategol ar gyfer gwrth-gyrff deubenodol (bispesifig) a o ganlyniad yn galluogi dull cydgysylltiedig o ddarparu gwasanaethau ledled Cymru.
Adnoddau
Grŵp Gwenwyndra Imiwnotherapi Cymru Gyfan
Mae Grŵp Gwenwyndra Imiwnotherapi Cymru Gyfan wedi’i sefydlu gan Rwydwaith Canser Cymru fel is-grŵp o Grŵp Gwasanaeth Oncoleg Acíwt Cymru Gyfan (AOS) a Therapi Grŵp Gwrth-Ganser Systemig Cymru Gyfan (ThGGS). Ei nod yw darparu arweiniad strategol ar gyfer blaenoriaethau gwenwyndra imiwnotherapi a fforwm ar gyfer cadarnhau canllawiau Cymru gyfan, gan alluogi dull cydgysylltiedig o gyflenwi gwasanaethau.
(cylch gorchwyl i'w ychwanegu maes o law)
Dolen i’r adnoddau.
Fforwm Addysg Imiwno-oncoleg Cenedlaethol (IO)
Mae'r Fforwm Addysg IO Cenedlaethol yn agored i bob gweithiwr gofal iechyd proffesiynol waeth beth fo'u profiad; yr unig ofyniad yw diddordeb mewn imiwnotherapi ac awydd i wella gofal cleifion. Mae'r cyfarfodydd yn cael eu cynnal yn rhithwir trwy Microsoft Teams ar y dydd Iau cyntaf o bob mis am 1pm ni waeth ar ba ddyddiad y mae'n digwydd ac nid yw'n para mwy nag 1 awr. Os oes gennych ddiddordeb mewn ymuno â Fforwm Addysg IO Cenedlaethol, cysylltwch â’r tîm ar VCCNational.IOEducationForum@wales.nhs.uk
Rhestr Ddosbarthu Grŵp Gwenwyndra Imiwnotherapi
Dilynwch y ddolen isod i'r Ffurflen Rhestr Ddosbarthu. Dylai gymryd llai na munud i chi ei chwblhau. Trwy lenwi'r ffurflen hon byddwch yn cael eich rhoi ar gyfeiriadur Rhwydwaith Canser Cymru o staff Imiwnotherapi Gwenwyndra, a byddwn yn cysylltu â chi fel arfer trwy e-bost ar bynciau a allai fod o ddiddordeb i chi. Bydd eich gwybodaeth yn cael ei chadw’n ddiogel gan Rwydwaith Canser Cymru ac ni fydd yn cael ei rhannu na’i dosbarthu. Bydd yr wybodaeth a gedwir yn cael ei defnyddio gan staff Rhwydwaith Canser Cymru yn unig.
Cliciwch yma am y Rhestr Ddosbarthu
Is-grŵp Rheoli Meddyginiaethau
(cylch gorchwyl i'w ychwanegu maes o law)
Mae'r grŵp yn cwrdd tair gwaith y flwyddyn a'i nod yw darparu llwyfan amlddisgyblaethol ar gyfer gwneud argymhellion consensws yn ymwneud â'r defnydd gorau o SACT a meddyginiaethau sy'n cefnogi SACT, gan sicrhau mynediad cyfartal a defnydd gorau posibl. Mae hefyd yn darparu arweinyddiaeth strategol ar gyfer blaenoriaethau rheoli meddyginiaethau Grŵp SACT Cymru Gyfan.
Mae hyn yn galluogi dull cydgysylltiedig ar gyfer datblygiadau megis e-ragnodi, set ddata SACT, sganio’r gorwel, llywodraethu a hygyrchedd, a blaenoriaethu dull Unwaith i Gymru, gan sicrhau y cyflawnir safonau cenedlaethol y cytunwyd arnynt gan Grŵp SACT Cymru Gyfan.
Rhestr Ddosbarthu Fferylliaeth SACT
Dilynwch y ddolen isod i'r ffurflen Rhestr Ddosbarthu. Dylai gymryd llai na munud i chi ei chwblhau. Drwy lenwi'r ffurflen hon byddwch yn cael eich rhoi ar gyfeiriadur Rhwydwaith Canser Cymru o staff Fferylliaeth SACT, a byddwn yn cysylltu â chi fel arfer trwy e-bost ar bynciau a allai fod o ddiddordeb i chi. Bydd eich gwybodaeth yn cael ei chadw’n ddiogel gan Rwydwaith Canser Cymru ac ni fydd yn cael ei rhannu na’i dosbarthu. Bydd yr wybodaeth a gedwir yn cael ei defnyddio gan staff Rhwydwaith Canser Cymru yn unig.
Cliciwch yma am y Rhestr Ddosbarthu
Cymwyseddau presgripsiynwyr Bwrdd SACT y DU ar gyfer adolygu a rhagnodi SACT
Mae cymwyseddau presgripsiynwyr bwrdd SACT y DU ar gyfer adolygu a rhagnodi SACT wedi’u cymeradwyo gan Rwydwaith Canser GIG Cymru.
Diben y ddogfen hon yw rhoi arweiniad a dull safoni i ddarparwyr gofal iechyd, gan gefnogi fferyllwyr oncoleg a haematoleg, nyrsys a phresgripsiynwyr anfeddygol Gweithwyr Proffesiynol Perthynol i Iechyd i ymgymryd â rhagnodi SACT. Mae'n darparu cymwyseddau sy'n manylu ar yr wybodaeth a'r sgiliau sydd eu hangen i ragnodi SACT yn ddiogel.
Argymhellir hefyd y dylid defnyddio’r canllawiau hyn i ddangos a chofnodi cymhwysedd ar gyfer presgripsiynwyr meddygol sy’n gweithio ar lefel ST ac uwch, sy’n rhagnodi ac yn adolygu cleifion sy’n derbyn SACT. Gellir ei ddefnyddio ar gyfer cofnodi cymhwysedd ffurfiol ar gyfer meddygon mewn rhaglenni hyfforddi oncoleg a haematoleg.
Pasbort Cymhwysedd Gweinyddol SACT UKONS
Pasbort Cymhwysedd Gweinyddu SACT UKONS yw’r safon y cytunwyd arni ar gyfer gweinyddu SACT.
Sylwch, gyda datblygiad y fersiwn ddigidol o'r pasbort SACT, nid fersiwn PDF 4 yn y ddolen uchod yw'r fersiwn fwyaf diweddar bellach. Rhagwelir na fydd fersiwn 4 ar gael mwyach erbyn diwedd 2024. Rydym yn argymell eich bod yn ystyried mabwysiadu’r fersiwn ddigidol sydd â llawer o fanteision i ddysgwyr ac aseswyr. Mae manylion llawn sut i fwrw ati â’r fersiwn ddigidol i’w gweld ar wefan UKONS https://www.ukons.org/resources/systemic-anticancer-therapy-mig/ neu drwy gysylltu â ukons@compassly.com
Adnoddau Clinigol
Hydradu Cisplatin
Diben y protocol hwn yw safoni amserlenni hydradu a gweinyddu cemotherapi cisplatin i gleifion sy'n oedolion ledled Cymru.
Dylid darparu gwybodaeth ysgrifenedig i gleifion, fodd bynnag, cliciwch yma am y templedi a awgrymir y gellir eu haddasu a'u defnyddio os yw'n addas.
Syndrom Tiwmor Lysis
Mae’r ddogfen hon yn amlinellu canllawiau atal a rheoli ar gyfer syndrom tiwmor lysis, ar gyfer cleifion sy’n oedolion ledled Cymru.
Canllaw Rhwydwaith Canser ar gyfer atal a rheoli syndrom tiwmor lysis
Mae protocolau pellach yn cael eu datblygu a byddant yn cael eu cyhoeddi'n fuan.
Canllawiau ar Leihau Dosau SACT mewn Nam Arennol neu Hepatig
Mae’r arweiniad Lancet hwn, a adolygwyd gan gymheiriaid, ar gyfer lleihau dosau SACT mewn nam arennol a hepatig, wedi’i gymeradwyo fel prif ffynhonnell gwybodaeth gan yr Is-grŵp Rheoli Meddyginiaethau, Fforwm Nyrsys SACT a Grŵp SACT Cymru Gyfan.
Os oes angen, dylid cyfeirio hefyd at y crynodeb perthnasol o nodweddion cynnyrch i gael rhagor o wybodaeth.
Fideos Addysg Cleifion
Mae fideos addysg wedi'u datblygu ar gyfer cleifion a'u teuluoedd yn y Gymraeg a'r Saesneg i ddarparu gwybodaeth am SACT, ei sgil effeithiau a gwybodaeth gysylltiedig. I gael rhagor o wybodaeth cliciwch yma.
Mae Cardiau Rhybuddio Triniaeth Ganser Cymru Gyfan wedi'u datblygu ar gyfer cleifion sy'n derbyn SACT. Mae tair fersiwn ar gael:
I gael rhagor o wybodaeth am y cardiau, gan gynnwys cyfarwyddiadau ar gyfer eu defnyddio ac ar gyfer eu hail-archebu, cliciwch yma.
Cyfieithiadau ar gyfer y rhai nad ydynt yn siarad Cymraeg/Saesneg
Mae cyfieithiadau o adrannau gwybodaeth cleifion y cardiau rhybuddio ar gael mewn rhai ieithoedd y gofynnir amdanynt yn gyffredin. Mae'r rhain ar gael isod a gellir eu lawrlwytho a'u hargraffu yn ôl yr angen. Rhaid atodi'r wybodaeth hon a gyfieithwyd i'r cerdyn Cymraeg/Saesneg fel bod y canllawiau ar gyfer gweithwyr gofal iechyd proffesiynol ar gael i'r holl staff sy'n rheoli gofal y claf. Dylid defnyddio cyfieithydd i roi esboniad llawn pan roddir y cerdyn i'r claf.
Mae staff Rhwydwaith Canser ar hyn o bryd yn gweithio ar gyfieithu a phrawfddarllen cyfieithiadau mewn ieithoedd ychwanegol - os gallwch chi helpu gyda hyn, neu os oes gennych unrhyw geisiadau am gyfieithiad, cysylltwch â ni.
Tsieinëeg - Cemotherapi a DPD
Tsieinëeg - Pediatrig
Tsieceg - Triniaeth Ganser
Tsieceg - Cemotherapi a DPD
Tsieceg - Pediatrig
Farsi - Triniaeth Ganser
Farsi - Cemotherapi a DPD
Farsi - Pediatrig
Pwyleg - Triniaeth Ganser
Pwyleg - Cemotherapi a DPD
Pwyleg - Pediatrig
Rwmaneg - Triniaeth Ganser
Rwmaneg - Cemotherapi a DPD
Rwmaneg - Pediatrig
Rwsieg - Triniaeth Ganser
Rwsieg - Cemotherapi a DPD
Rwsieg - Pediatrig
Wcreineg - Triniaeth Ganser
Wcreineg - Cemotherapi a DPD
Wcreineg - Pediatrig
Mae Grŵp SACT Cymru Gyfan yn cydweithio ag amrywiaeth o grwpiau cenedlaethol. Mae grwpiau allweddol yn cynnwys:
Fforwm Nyrsys SACT
(cylch gorchwyl i'w ychwanegu maes o law)
Mae Fforwm Nyrsys SACT wedi’i sefydlu i roi cyfle i nyrsys o bob rhan o Gymru rannu arferion da drwy gydweithredu, ac i lywio datblygiad arferion a safonau’r gweithlu ar y cyd. Cadeirydd y fforwm yw Dr Rosie Roberts (Ymddiriedolaeth GIG Felindre). I gael rhagor o wybodaeth, cysylltwch â Rosie drwy e-bost generig Rhwydwaith Canser Cymru (WCN): wcn.walescancernetwork@wales.nhs.uk
Genomeg
(cylch gorchwyl i'w ychwanegu maes o law)
Mae Rhwydwaith Canser Cymru wedi sefydlu Grŵp Oncoleg Genomeg Cymru Gyfan (AWGOG) i hwyluso dull cenedlaethol amlddisgyblaethol a chydgysylltiedig o ddatblygu a gweithredu gwasanaethau genomeg oncoleg-benodol a ddarperir gan Wasanaeth Genomeg Meddygol Cymru Gyfan (AWMGS).
I gael rhagor o wybodaeth am Genomeg ac AWGOG, CLICIWCH YMA.
Gwasnanaeth Oncoloeg Aciwt
(cylch gorchwyl i'w ychwanegu maes o law)
Sefydlwyd Grŵp AOS Cymru Gyfan gan Rwydwaith Canser Cymru a’i nod yw darparu arweinydd strategol ar gyfer blaenoriaethau oncoleg acíwt cenedlaethol a fforwm ar gyfer cadarnhau datblygiadau Cymru Gyfan. Mae hyn yn galluogi dull cydgysylltiedig, er enghraifft wrth ddatblygu setiau data AOS, llwybrau, dogfennau ac offer cymorth er mwyn sicrhau gwasanaeth oncoleg acíwt safonol a chydlynol i Gymru.
I gael rhagor o wybodaeth am AOS a Grŵp AOS Cymru Gyfan, CLICIWCH YMA.
Canolfan Therapiwteg a Thocsicoleg Cymru Gyfan (AWTTC)
(cylch gorchwyl i'w ychwanegu maes o law)
Mae AWTTC yn sefydliad GIG Cymru sy’n gweithio gyda chleifion, gofalwyr, sefydliadau cleifion, gweithwyr gofal iechyd proffesiynol, y diwydiant fferyllol, Llywodraeth Cymru a sefydliadau perthnasol eraill yn y DU i argymell a sicrhau defnydd priodol ac effeithiol o feddyginiaethau.
I gael rhagor o wybodaeth am AWTTC, CLICIWCH YMA.
Grŵp Sganio’r Gorwel Cymru Gyfan
(cylch gorchwyl i'w ychwanegu maes o law)
Mae’r grŵp hwn yn cynnwys aelodau o AWTTC, AWGOG, histopatholeg a fferyllwyr sy’n cynrychioli’r arbenigeddau a byrddau iechyd gwahanol ledled Cymru. Maent yn cwrdd unwaith y mis i drafod triniaethau sy’n cael eu cynnig i’r Sefydliad Cenedlaethol dros Ragoriaeth mewn Iechyd a Gofal (NICE) er mwyn eu cymeradwyo ac er mwyn trafod yr effaith bosibl y bydd y rhain yn ei chael o ran y profion sydd eu hangen, cyflenwi gwasanaethau, costau ariannol, a’u rhan yn y llwybr triniaeth presennol. Mae hyn yn galluogi GIG Cymru i fod yn barod i ddarparu’r driniaeth newydd cyn gynted â phosibl o’r eiliad y mae NICE yn ei chymeradwyo.
Is-Grŵp Gwrth-gyrff Deubenodol (Bispesifig)
(cylch gorchwyl i'w ychwanegu maes o law)
Sefydlwyd yr Is-Grŵp Gwrth-gyrff Deubenodol gan y Rhwydwaith Canser fel is-grŵp o’r Grŵp Therapi Systemig Gwrth-Ganser (SACT). Diben y grŵp yw i ddarparu fforwm ar gyfer rhannu arfer gorau a datblygu offer a chanllawiau i gefnogi gwasanaethau lleol i reoli’r broses o gyflwyno’r meddyginiaethau newydd hyn yn ddiogel i’w harferion clinigol. Bydd y grŵp hefyd yn darparu cyngor a chyfeiriad strategol ar gyfer gwrth-gyrff deubenodol (bispesifig) a o ganlyniad yn galluogi dull cydgysylltiedig o ddarparu gwasanaethau ledled Cymru.
Rhestr Ddosbarthu
Dilynwch y ddolen isod i'r ffurflen Rhestr Ddosbarthu. Dylai gymryd llai na munud i chi ei chwblhau. Drwy lenwi'r ffurflen hon, byddwch yn cael eich rhoi ar gyfeiriadur staff Rhwydwaith Canser Cymru, a byddwn yn cysylltu â chi fel arfer drwy e-bost ar bynciau a allai fod o ddiddordeb i chi. Bydd eich gwybodaeth yn cael ei chadw’n ddiogel gan Rwydwaith Canser Cymru ac ni fydd yn cael ei rhannu na’i dosbarthu. Bydd yr wybodaeth a gedwir yn cael ei defnyddio gan staff Rhwydwaith Canser Cymru yn unig.
Cliciwch yma am y Rhestr Ddosbarthu
Adolygiad gan Gymheiriaid
Mae adolygiad gan gymheiriaid yn broses gydweithredol o wella ansawdd, sy'n caniatáu i eraill sy'n gweithio yn yr un maes werthuso gwaith gwyddonol, academaidd neu broffesiynol.
Mae'n ffurf o hunan-reoleiddio gan aelodau cymwys o broffesiwn, gan annog cyfoedion i rannu gwybodaeth, dysgu beth yw eu cryfderau a'u gwendidau a chytuno ar gynlluniau ar gyfer gwelliannau i ofal cleifion.
Defnyddir dulliau adolygu gan gymheiriaid i gynnal safonau ansawdd, gwella perfformiad a darparu hygrededd.
Bu grŵp llywio cenedlaethol yn GIG Cymru yn ymwneud â datblygu’r mesurau adolygu gan gymheiriaid a gynlluniwyd i asesu ansawdd a pherfformiad SACT yn erbyn Safonau Cenedlaethol Cymru Gyfan ar gyfer SACT (Rhagfyr 2020). Dyma’r tro cyntaf i SACT gael ei adolygu yng Nghymru.
Mae Adolygiad gan Gymheiriaid yn adolygiad cylchol – felly bydd gwasanaethau SACT yn cael eu hadolygu unwaith eto yn y blynyddoedd i ddod.
Rhaid i bob gwasanaeth SACT yng Nghymru gymryd rhan mewn Adolygiad gan Gymheiriaid. Bydd gwasanaethau yn y dyfodol yn cael eu mesur yn erbyn safonau cenedlaethol perthnasol.
I gael rhagor o wybodaeth am Adolygiad gan Gymheiriaid, CLICIWCH YMA.
Set Ddata SACT
Mae’n ofynnol i bob gwasanaeth SACT gasglu data yn unol â:
Cymeradwywyd Safonau Data Canser Cenedlaethol Cymru – Therapi Gwrth-ganser Systemig (SACT) ym mis Rhagfyr 2020.
Dangosyddion Perfformiad Ansawdd
Ochr yn ochr â'r Gofynion Adrodd Sylfaenol Canser ar gyfer Therapi Gwrth-ganser Systemig (SACT), mae dau Ddangosydd Perfformiad bellach wedi’u datblygu. Maent yn anelu at fesur ansawdd y gwasanaeth a gofal cleifion a byddant yn darparu gwybodaeth a mewnwelediad i helpu i ysgogi gwelliant yn y gwasanaeth.
Mae'r Dangosyddion Perfformiad Ansawdd fel a ganlyn:
Mae manylion a pharamedrau’r data y mae angen eu casglu i gefnogi’r Dangosyddion Perfformiad Ansawdd hyn wedi’u datblygu a’u cytuno gan ddau weithgor, sy’n cynnwys nyrsys, oncolegwyr, haematolegwyr a fferyllwyr sy’n gweithio mewn gwasanaethau SACT ledled Cymru. Mae'r manylion hyn i'w gweld yn nogfen Dangosyddion Perfformiad Ansawdd Clinigol SACT.
Cliciwch yma am y ddogfen Dangosyddion Perfformiad Ansawdd.
Mae pob Bwrdd ac Ymddiriedolaeth Iechyd yng Nghymru wedi dechrau casglu data yn unol â'r Dangosyddion Perfformiad Ansawdd y cytunwyd arnynt, gyda'r nod o adrodd ar y data hwn i Grŵp SACT Cymru Gyfan. Mae’r broses hon yn galluogi Byrddau Iechyd i nodi unrhyw faterion sy’n ymwneud â phrosesau neu systemau adrodd cyfredol, y gellir eu cyflwyno wedyn i’r grŵp cenedlaethol i’w trafod a’u cefnogi.
I gael rhagor o wybodaeth am Ddangosyddion Perfformiad Ansawdd Clinigol SACT, cysylltwch â WCN.WalesCancerNetwork@wales.nhs.uk
Y Sefydliad Cenedlaethol dros Ragoriaeth mewn Iechyd a Gofal (NICE)
Mae NICE yn cynnig canllawiau a chyngor ar sail tystiolaeth ar gyfer ymarferwyr ym meysydd iechyd, iechyd y cyhoedd a gofal cymdeithasol.
I gael rhagor o wybodaeth am ganllawiau NICE ar gyfer Canser, CLICIWCH YMA.
Ffurflenni Cydsynio SACT Cenedlaethol
Mae Grŵp SACT Cymru Gyfan yn cymeradwyo'r Ffurflenni Cydsynio SACT Cenedlaethol a gynhelir ar Wefan CRUK.
Cynrychiolwyr Cymru ar gyfer y Grŵp Llywio Ffurflenni Cydsynio Cenedlaethol yw Dr Rosie Roberts (Ymddiriedolaeth GIG Felindre) a Grant Mehrjou (Ymddiriedolaeth GIG Felindre).
Os oes gennych unrhyw gwestiynau neu adborth yr hoffech i ni eu cyflwyno i’r Grŵp Llywio Ffurflenni Cydsynio Cenedlaethol, e-bostiwch Rwydwaith Canser Cymru: wcn.walescancernetwork@wales.nhs.uk
Bwrdd SACT y DU
Gwefan Bwrdd SACT y DU:
Prif ddiben bwrdd SACT y DU yw darparu arweiniad, goruchwyliaeth a chymorth ar gyfer datblygiad parhaus gwasanaethau SACT yn y DU.
Cynrychiolydd Cymru ar Fwrdd SACT y DU yw Dr Catherine Bale (BIP Betsi Cadwaladr). Os oes gennych unrhyw ymholiadau neu adborth am ffrydiau gwaith bwrdd SACT y DU, cysylltwch â Dr Bale trwy e-bost generig Rhwydwaith Canser Cymru (WCN): wcn.walescancernetwork@wales.nhs.uk
Cynrychiolaeth gan y cyrff cenedlaethol canlynol:
Ffrydiau Gwaith Presennol:
Cliciwch Yma i weld ffrydiau gwaith presennol.