Cymorth gyda chostau byw
Os ydych chi'n cael trafferth gyda chostau byw, nid ydych chi ar eich pen eich hun - mae cymorth ar gael.
Isod mae manylion sefydliadau a chynlluniau a all eich cefnogi gyda chyngor ynghylch arian a dyled, biliau ynni a dŵr, budd-daliadau a chymorth ariannol arall y gallech fod â hawl iddo.
Government advice and support
Cael Help gyda Chostau Byw
Adnoddau Llywodraeth Cymru ar sut i gael cymorth gyda budd-daliadau, biliau cyfleustodau, y dreth gyngor, dyled ac arian, tai, addysg a gofal plant, iechyd a llesiant a chymorth yn eich ardal leol.
Cynllun Cymorth Tanwyd Cymru 2022 - 2023
Nod y cynllun hwn yw lleihau effaith y cynnydd yng nghostau ynni a'r argyfwng costau byw. Bydd y cynllun ar agor i aelwydydd lle mae ymgeisydd, neu ei bartner yn derbyn un o’r budd-daliadau cymwys ar unrhyw adeg rhwng 1 Medi 2022 a 31 Ionawr 2023.
Advicelink Cymru
Mae Advicelink Cymru yn wasanaeth Cyngor ar Bopeth a ariennir gan Lywodraeth Cymru sydd wedi'i gynllunio i helpu pobl sydd fwyaf angen gwasanaethau cynghori, yn enwedig y rhai na fyddent fel arfer yn gofyn am gyngor.
Help i dalu biliau gan ddefnyddio eich budd-daliadau
Gallwch ofyn i daliadau nwy a thrydan gael eu tynnu o'ch budd-daliadau.
Nyth
Mae cynllun Nyth yn cynnig amrywiaeth o gyngor diduedd rhad ac am ddim ac, os ydych yn gymwys, pecyn o welliannau effeithlonrwydd ynni cartref am ddim fel boeler newydd, gwres canolog, insiwleiddio neu baneli solar. Gall hyn ostwng eich biliau ynni a bod o fudd i'ch iechyd a’ch llesiant.
Ymddiriedolaethau elusennol cwmnïau ynni
Mae rhai cwmnïau ynni wedi sefydlu ymddiriedolaethau elusennol y gall cwsmeriaid wneud cais iddynt am gymorth os ydynt yn ei chael yn anodd talu costau ynni neu os oes ganddynt ôl-ddyledion.
Os nad oes gan eich cyflenwr ynni ymddiriedolaeth elusennol (nid oes gan bob cyflenwr un), yna gallwch wneud cais i Ymddiriedolaeth Ynni Nwy Prydain am gymorth, gan nad yw ei chynllun elusennol wedi'i gyfyngu i gwsmeriaid Nwy Prydain.
Elusennau a sefydliadau y trydedd sector
Bydd y rhan fwyaf o elusennau yn disgwyl y bydd pobl wedi cysylltu â sefydliad cyngor ar ddyled/arian am gymorth cyn cysylltu â nhw.
Gallwch ddod o hyd i gynghorydd dyled ar wefan 'Money Helper'.
Mae'r Llinell Ddyled Genedlaethol yn rhoi cyngor cyfrinachol ac annibynnol am ddim ar broblemau dyled.
Mae’n bosibl bod elusennau eraill a allai gynorthwyo gyda chostau ynni, trwy ddarparu grantiau nad oes angen eu had-dalu.
Elusen genedlaethol yw Turn2us sy’n rhoi cymorth ymarferol i bobl sy’n cael trafferthion ariannol. Gallwch chwilio ar ei gwefan am y canlynol:
Os ydych yn cael trafferth talu eich biliau ynni, mae Cyngor ar Bopeth yn rhoi gwybodaeth ar sut i gael help gan eich cyflenwr a sefydlu cynlluniau ad-dalu dyledion.
Mae Scope yn cynnig cyngor i bobl anabl a'u teuluoedd ynghylch cymorth ynni. Gallwch hefyd anfon e-bost at Disability.EnergySupport@Scope.org.uk
Mae Contact – yr elusen ar gyfer teuluoedd â phlant anabl – hefyd yn rhoi cyngor ar gostau byw.
Mae LEAP – y Bartneriaeth Cyngor Ynni Lleol - yn wasanaeth rhad ac am ddim sy’n helpu pobl i gadw’n gynnes a lleihau eu biliau ynni nad yw’n costio unrhyw beth iddynt.
Mae Bliss - yr elusen ar gyfer babanod sy’n cael eu geni’n gynamserol neu’n sâl - yn rhoi gwybodaeth am y cymorth ariannol sydd ar gael i helpu i reoli’r gost ychwanegol a ddaw yn sgil cael babi newydd-anedig o dan ofal arbennig, megis costau teithio, parcio, gofal plant ychwanegol a cholli diwrnodau yn y gwaith
Crynodydd ocsigen
Os oes gennych grynodydd ocsigen, gallwch gael ad-daliad am y trydan y mae'r crynodwr yn ei ddefnyddio gan y cwmni sy'n cyflenwi'r crynodydd.
Cysylltwch â'r cwmni yn uniongyrchol i ofyn am hyn.