Gwneud y gorau o lwybrau i ysgogi gwelliant mewn gofal cleifion fel Tîm Amlddisgyblaethol
Cyflwyniad
Mae trigolion ardal Bwrdd Iechyd Prifysgol Cwm Taf Morgannwg yn wynebu anhawster cyson wrth dderbyn gofal brys prydlon, gydag oedi wrth drosglwyddo o gerbydau ambiwlans ac amseroedd aros hir mewn adrannau damweiniau ac achosion brys yn digwydd yn fwy aml.
Erbyn mis Ebrill 2025, ein nod yw grymuso 15 ward i roi cleifion yn y sefyllfa orau i gael eu rhyddhau a lleihau hyd cyfartalog yr arosiadau mewn ysbyty.
Dulliau
Mae ein fframwaith 'Optimeiddio’ wedi ei ddatblygu i wella gofal cleifion o’u derbyn i’w rhyddhau gan ddefnyddio offer, modelau a galluogwyr digidol, fel rhan o'r rhaglen 6 Nod ar gyfer Gofal Brys a Gofal mewn Argyfwng.
Mae'r fenter hon, sy'n cynnwys staff iechyd, staff gofal cymdeithasol a staff y trydydd sector, yn defnyddio damcaniaeth rheoli newid Kotter a gwerthusiadau cyson i sicrhau ei bod yn cael ei gweithredu’n llwyddiannus.
Profwyd y fframwaith mewn wardiau gofal heb ei drefnu dros bedair wythnos, gan sicrhau bod ei gydrannau'n cael eu gweithredu'n effeithiol ac yn gwella taith y cleifion.
Roedd hyn yn cynnwys rowndiau bwrdd amlddisgyblaethol rheolaidd, gwneud y mesurau’n gyson â safonau ansawdd cenedlaethol, cynyddu ymgysylltiad staff, a phwysleisio gofal sy'n canolbwyntio ar y claf i wella’r broses o gynllunio ar gyfer rhyddhau cleifion a darparu gwasanaethau.
Mesurau a ddefnyddiwyd:
- Cydymffurfio â’r Dyddiad Rhyddhau Disgwyliedig
- % o gleifion gyda llwybr wedi'i gofnodi ar gyfer eu rhyddhau
- % o'r llwybrau Rhyddhau i Adfer yna Asesu (D2RA) a gofnodwyd, o’r holl lwybrau
- % o Coch i Wyrdd a gofnodwyd
- Amser rhwng derbyn claf a’u statws Optimeiddio’n Glinigol ar gyfer Rhyddhau (dyddiau ar gyfartaledd)
- Llwybr wedi’i osod adeg rhyddhau
Canlyniadau
- Adborth cadarnhaol gan staff sy'n teimlo eu bod wedi'u grymuso i ddarparu gofal sy'n canolbwyntio ar y claf.
- Cleifion a theuluoedd yn sôn am well gwybodaeth am y mater mewn trafodaethau a chynlluniau gofal clir.
- Gwelliannau sylweddol yn y Ward Resbiradol:
- Yr amser rhwng derbyn a rhyddhau wedi gostwng o 56.5 i 11.3 diwrnod.
- Cleifion â llwybr wedi’i gofnodi wedi cynyddu o 27% i 96%.
- Llwybrau D2RA wedi cynyddu o 20% i 74%.
- Hyd cyfartalog yr arhosiad wedi gostwng o 9.1 i 8.2 diwrnod.
Dysgu
- Dylai cyfnod cychwyn y prosiect fod wedi bod yn hirach ac yn eang gyda mwy o gyfathrebu, llwyfannau dysgu, sesiynau ymgysylltu a gweithdai i baratoi staff yn well ar gyfer newidiadau.
- Roedd y trawsnewidad yn herio dulliau traddodiadol, gan achosi amwysedd a nerfusrwydd ymhlith staff.
- Mae cynyddu gallu staff drwy hyfforddiant yn hanfodol ar gyfer lledaenu ac ehangu llwyddiannus.
Beth nesaf?
- Parhau i fentora timau amlddisgyblaethol ac ymgysylltu â chleifion/teuluoedd
- Trefnu gweithdai, sesiynau ymgysylltu, a rhaglenni 'hyfforddi'r hyfforddwr' achrededig
- Cefnogi arweinwyr clinigol a gweithredol i ymestyn y fframwaith 'Optimeiddio' ar draws arbenigeddau, gyda'r potensial i ledaenu ac ehangu’n genedlaethol.