Cyngor ynghylch cynllunio gwyliau a theithiau gyda diabetes
Gydag ychydig o waith paratoi, does dim rhaid i ddiabetes eich atal rhag mwynhau eich amser i ffwrdd neu deithio. Gall meddwl ymlaen llaw am feddyginiaeth, cyflenwadau, a sut y gallai teithio effeithio ar eich trefn eich helpu i deimlo'n hyderus ac yn barod ar gyfer yr antur.
Mae’n syniad da i bacio mwy o gyflenwadau diabetes na fyddai angen arnoch fel arfer, a’u rhoi mewn gwahanol fagiau llaw rhag i unrhyw beth fynd ar goll.
Os ydych chi'n defnyddio inswlin, mae'n bwysig ei gadw ar y tymheredd cywir, yn enwedig mewn tywydd poeth. Ni ddylid byth rhoi inswlin yn yr howld.
Gall newidiadau amser hefyd effeithio ar eich trefn ddyddiol, felly gall cynllunio sut y byddwch yn rheoli prydau bwyd, monitro a meddyginiaeth wneud pethau’n haws.
Mae yswiriant teithio sy’n cynnwys diabetes yn hanfodol, a dylech gario llythyr gan eich tîm gofal iechyd bob amser sy’n nodi eich meddyginiaeth, offer monitro a phigiadau at ddibenion diogelwch yn y meysydd awyr.
Gall pobl ifanc hefyd ddod o hyd i arweiniad defnyddiol drwy ein hadnodd SEREN Connect, gydag awgrymiadau ar deithio'n ddiogel ac yn annibynnol a rheoli diabetes yn ystod gwyliau.
Ble bynnag rydych chi’n mynd, mae rhywfaint o waith paratoi yn mynd yn bell, er mwyn i chi allu ymlacio, mwynhau eich taith a gwneud y gorau o’ch amser i ffwrdd.
Cyngor i'ch helpu i ofalu am eich traed pan fyddwch ar wyliau
Pan fyddwch ar wyliau, mae eich trefn ddyddiol a’ch amgylchedd yn newid ac efallai y byddwch yn symud mwy nag arfer, a all olygu mwy o risg o ddatblygu problemau ar eich traed a all fynd yn ddifrifol.
Am ragor o wybodaeth gweler Holiday Feet (Saesneg yn unig).