Gall yr wythnosau ar ôl cael babi fod yn gyffrous, yn emosiynol ac yn flinedig ar yr un pryd, ac os ydych chi'n byw gyda diabetes, mae angen cadw ychydig o bethau ychwanegol mewn cof.
Gall eich anghenion inswlin newid yn gyflym iawn ar ôl genedigaeth, yn enwedig os oes gennych ddiabetes math 1, felly bydd eich tîm gofal iechyd yn eich helpu i addasu eich dos.
Os oes gennych ddiabetes math 2, efallai bydd eich tîm yn adolygu p’un a oes modd i chi ddychwelyd i gymryd tabledi neu barhau ar inswlin am gyfnod.
Mae bwydo ar y fron yn cael ei annog i fenywod â diabetes ac mae'n ddiogel i chi a'ch babi. Weithiau gall achosi gostyngiad yn lefel y glwcos yn y gwaed, felly gall cadw byrbrydau gerllaw a monitro eich lefelau’n amlach fod yn ddefnyddiol. Efallai y bydd angen addasu inswlin ar gyfer bwydo ar y fron.
Cofiwch, mae hwn yn gyfnod o addasu. Byddwch yn garedig â chi'ch hun a gofynnwch os oes angen help arnoch.