Gwella ansawdd

Lle bo problemau ansawdd yn cael eu nodi na allant gael eu datrys o fewn y prosesau rheoli ansawdd, mae angen dull gwella ansawdd sy'n fwy penodol a phwrpasol.

I nifer o sefydliadau, y broses gwella ansawdd fydd yr agwedd fwyaf sefydledig ar System Rheoli Ansawdd. Y gwahaniaeth yw sicrhau ei bod yn gysylltiedig â'r prif broblemau yr ydych yn eu hwynebu, a'i bod yn canolbwyntio arnynt, a hefyd yn gysylltiedig â'ch dibenion a'ch metrigau trosfwaol.

Mae gwelliannau wedi'u rheoli'n dda yn cynnwys:

• Defnyddio methodoleg safonol ar gyfer eich holl ymdrechion i wella
• Datblygu sgiliau gwella ar draws y sefydliad, o'r Bwrdd i'r rheng flaen, gydag arbenigwyr a all gefnogi
• Cynllunio a chyflawni gwelliannau mor agos i'r rheng flaen â phosibl trwy'r sawl sy'n ymwneud â'r gwaith o'u cyflawni: staff, cleifion, defnyddwyr gwasanaethau, teuluoedd a gofalwyr
• Gallai fod angen i arweinwyr helpu i chwalu rhwystrau, yn ogystal â darparu arweiniad, nawdd a chydnabyddiaeth
• System ar gyfer nodi a dysgu o welliannau sydd wedi gweithio a rhai nad ydynt wedi gweithio.

Adnoddau ategol

• QI made simple: Canllaw gan y Sefydliad Iechyd sy'n esbonio'r dulliau gwella ansawdd poblogaidd a ddefnyddir ym maes gofal iechyd.
• The Model for Improvement: Canllaw'r Sefydliad Gwella Gofal Iechyd.
• Quality Improvement Essentials Toolkit: Rhestr wedi'i churadu o ddulliau a thempledi i gefnogi a rheoli prosiectau gwella llwyddiannus a ddatblygwyd gan y Sefydliad Gwella Gofal Iechyd. 
• Cambridge Element THIS Institute: Lean as a Healthcare Improvement Approach.
• Canllaw gan Q:An Effective approach to change.
• Scottish Approach to Change: Canllawiau ac adnoddau sefydliad Gwella Gofal Iechyd yr Alban.
• How to develop an evidence-informed theory of change for health: Arweiniad technegol Sefydliad Iechyd y Byd.
• Making Data Count: Canllawiau GIG Lloegr ar ddechrau arni a chryfhau eich penderfyniadau.