Creu a gwreiddio cyfleoedd ar gyfer dysgu ar draws y system. Mae dysgu gan eraill yn un o gonglfeini’r gwaith o adeiladu System Rheoli Ansawdd gadarn. Drwy ddeall beth sy'n gweithio'n dda mewn mannau eraill – a beth sydd ddim – gallwch osgoi dyblygu gwaith, cyflymu cynnydd a gwreiddio arferion profedig yn eich cyd-destun eich hun.
Mae canllawiau statudol y Ddyletswydd Ansawdd yn pwysleisio bod gwella ansawdd yn gyfrifoldeb parhaus ar draws y system. Mae'n ei gwneud yn ofynnol i bob un ohonom – ar draws lleoliadau ac ar draws swyddi clinigol ac anghlinigol – ddysgu a rhannu arfer gorau wrth i ni weithio gyda'n gilydd i ddarparu gofal diogel, effeithiol sy'n canolbwyntio ar y person.
Os ydych chi newydd ddechrau gyda System Rheoli Ansawdd neu'n mireinio dull sydd wedi ennill ei phlwyf, mae dysgu gan eraill yn hollbwysig wrth gryfhau eich system a chyflawni'r Ddyletswydd Ansawdd.
Darllenwch gyhoeddiad Perfformiad a Gwella GIG Cymru Datblygu System Rheoli Ansawdd: System weithredu ar gyfer sefydliad sy’n dysgu ac yn cael ei ysgogi gan ansawdd er mwyn dysgu o brofi Systemau Gwella Ansawdd mewn dau leoliad GIG Cymru.
Cysylltwch â chynrychiolydd/cynrychiolwyr eich sefydliad sy'n aelodau o Rwydwaith Dysgu a Chyflenwi System Gwella Ansawdd cenedlaethol – mae gan bob sefydliad gynrychiolwyr enwebedig. Os nad ydych chi'n siŵr pwy yw eich cynrychiolwyr, anfonwch e-bost at nhspi.qualityandsafety@wales.nhs.uk a byddwn ni'n eich cyfeirio atynt.
Dysgwch am wersi a phrofiadau gan unigolion a thimau ar draws GIG Cymru.
Darllenwch astudiaethau achos Q i ddysgu mwy am yr hyn sy'n gweithio'n dda ar draws Ymddiriedolaethau GIG Lloegr, o fewn Bwrdd Iechyd GIG Cymru ac Ymddiriedolaeth Iechyd a Gofal Cymdeithasol yng Ngogledd Iwerddon.
Os ydych chi'n aelod o Q, ymunwch â'r grŵp Rheoli Ansawdd mewn gofal iechyd